Eimverk, framleiðandi Flóka viskís, lauk við 220 milljón króna hlutafjáraukningu fyrir áramót vegna stækkunar á verksmiðju sinni og uppbyggingar á afþreyingarmiðstöð. Í verksmiðjunni verður fullkomin áfylling og möltunaraðstaða. Hlutaféð keyptu núverandi hluthafar og sýnir hve mikið traust þeir hafa á fyrirætlunum félagsins. Fyrirtækið var metið á 1 milljarð króna fyrir aukninguna.
Fjármagnið verður notað til að stækka verksmiðju og byggja upp afþreyingarmiðstöð í Bjálmholti í Landsveit, þar sem mest allt hráefni í framleiðsluna er ræktað. Staðsetningin er valin til að nýta betur ferðamannastrauminn á Suðurlandi, þar sem umferð ferðamanna er meiri en á öðrum svæðum landsins.
Þessi stækkun er í samræmi við núverandi viðskiptalíkan Eimverks, þar sem um 70% af sölu fyrirtækisins er til ferðamanna sem heimsækja Ísland í gegnum ýmsar dreifileiðir.
Fjárhagsáætlanir og markaðsvöxtur
Fjárhagsáætlanir Eimverks benda til verulegra vaxtarmöguleika á komandi árum. Gert er ráð fyrir miklum vexti þegar nýja aðstaðan opnar, sem mun auka framleiðslugetu fyrirtækisins verulega og efla möguleika þess til að þjóna vaxandi ferðamannamarkaði.
Tekjustraumar félagsins eru úr ýmsum áttum svo sem vískísölu á veitingastöðum, tollfrjálsri sölu og verslun. Jafnframt er gert ráð fyrir því að útflutningur vaxi verulega á næstu árum, um leið og birgðastaða styrkist. Viskíframleiðsla er tímafrek þar sem geyma þarf framleiðsluna árum saman á eikartunnum sem áður geymdu sérrí áður en hún kemst í sölu.
Vaxtartækifæri
Nýja aðstaðan í Bjálmholti hraðar framtíðarvexti Eimverks, með það að markmiði að sinna betur arðbærum ferðamannamarkaði sem nú þegar stendur undir 70% af sölunni. Með aukinni framleiðslugetu mun Eimverk betur geta annað aukinni spurn eftir viskí og afþreyingu ferðamanna.